«Еліміздің Тәуелсіздік алғаннан бері жүзеге асырған 25 жетістігі»

«Еліміздің Тәуелсіздік алғаннан бері жүзеге асырған 25 жетістігі»

Осы жылдар ішінде Қазақстан өтеиқиын жолдан өтті. Бұл халқымыздың қолдауының арқасында мүмкін болды. Қазақстанның жетістіктерін саралай отырып, біз сеніммен айта аламыз: республика дұрыс даму стратегиясын таңдады. Ұлтаралық келісімде, спортта, білім беруде, аэроғарыш қызметінде жоғары нәтижелер мен өзгерістерге қол жеткізілді, басты жетістіктердің бірі жаңа астананың ауқымды құрылысын айтуға болады. Біз сондай-ақ экономикалық, интеллектуалдық және мәдени әлеуетімізді еркін жүзеге асыруға мүмкіндік алдық. Қазақстан көптеген салаларда жоғары көрсеткіштерге қол жеткізді. Осы жылдар ішінде Семей полигонының жабылуы, тұңғыш қазақстандық ғарышкер Токтар Аубакиров ғарышқа ұшуы сияқты тағдырлы шешімдер қабылданды. 1993 жылы 28 қаңтарда Қазақстан Республикасының тұңғыш Конституциясы қабылданды, 1995 жылы 1 наурызда Елбасының бастамасымен Қазақстан халқы Ассамблеясы құрылды, негізгі принциптерге негізделген жаңа саяси жүйе құрылды. Қазақстанда демократия құрылды, тиісті заңнама қалыптасты, тиімді мемлекеттік аппарат құрылды және басқаруды жетілдіру жалғастырылды. Қазақстан әлемдегі бәсекеге қабілетті 50 елдің қатарына және даму деңгейі орташа елдер тобына кіреді. Республика Қарулы Күштерінің бөлімшелері Біріккен Ұлттар Ұйымының бітімгершілік күштерінің қызметіне қатысады.

Қазақстан Еуропадағы Қауіпсіздік және Ынтымақтастық Ұйымының саммитін өткізуге бастамашы бола алды. Жеке тұлғамен, шет мемлекеттермен және блоктармен оң және өзара тиімді қарым-қатынас орнату Қазақстан үшін аса маңызды екенін бөлек атап өткен жөн. Ресей Федерациясымен – әлемдегі жетекші державалардың бірі және көршілес ел ретінде. Қытай Халық Республикасымен – көрші ел және Қазақстанның экономикалық дамуын одан әрі жеделдете алатын орасан зор әлеуеті бар сауда-экономикалық серіктес ретінде. Америка Құрама Штаттарымен және Еуропалық Одақ елдерімен – қазіргі әлемдік саясат пен экономикадағы негізгі процестердің дамуын анықтайтын, барлық ғылыми-техникалық жетістіктерге ие мемлекеттер және сауда-экономикалық серіктестер. Тәуелсіздік жылдарында Қазақстан Орталық Азияға келген шетелдік инвестицияның 70 пайыздан астамын тартты. 2017 жылы Астанада «Болашақтың энергиясы» тақырыбындағы «ЭКСПО» халықаралық мамандандырылған көрмесі үлкен табыспен өтті.Қазақстан алғашқы 30 спорт державасының қатарына енді. Елімізде белсенді өмір салтын ұстану және бұқаралық спортпен айналысу үшін барлық қажетті жағдайлар жасалған.Сондай-ақ 2012 жылы «Қазақстан-2050» Стратегиясы қабылданды, 2014 жылы Еуразиялық экономикалық одақ құру туралы шартқа қол қойылды, 2015 жылы бес институционалдық реформаны жүзеге асыру бойынша «100 нақты қадам» Ұлт жоспары қабылданды. 2018 жылы судағы шекараның түпкілікті жобасы жасалды – Каспий теңізінің құқықтық мәртебесі туралы конвенцияға қол қойылды. Елбасының бастамасымен жүзеге асырылған «Мәдени мұра» бағдарламасы ұлттық мәдениетті сақтау мен дамытудағы ауқымды жұмыстардың бастау нүктесі болды.

Іргелі құжаттар қабылданып, Қазақстан әлем картасына шекарасы нақты белгіленген мемлекет ретінде көрінді, өз әскеріне ие болды, тәуелсіз мемлекетке қажетті басқару құрылымдары құрылып, барлық мемлекеттік рәміздер бекітілді. Қазақстан жоспарлы экономикадан нарықтық экономикаға сәтті көшудің үлгісін көрсетіп, нарықтық экономиканың барлық тетіктері мен заңнамалық негіздерін қалыптастырды. Қазақстанда демократияның негізгі қағидаттарына негізделген жаңа саяси жүйе құрылды , тиісті заңнамалар қалыптасты, тиімді мемлекеттік басқару аппараты құрылды. Этносаралық және конфессияаралық қатынастар саласындағы салиқалы да көреген мемлекеттік саясаттың арқасында Қазақстанда қоғамдағы бейбітшілік пен келісімнің бірегей үлгісі қалыптасты.

Жастарға арналған «Болашақ» бағдарламасы әзірленді, бұл бағдарлама арқылы жастар шетелде білім алып, білімін туған жерінде қолдана алады.

Бүгінде Қазақстан – орасан зор экономикалық әлеуеті бар көпұлтты мемлекет. Ел басшылығының алға қойған мақсаты – қоғам алдында есеп беретін кәсіби мемлекет болу.