Кешкі мектеп

Кешкі мектеп – кез келген жаста толық орта білім алуға болатын оқу орны. Кешкі мектеп оқушыларға 9 және 11 сыныпты бітіргені туралы аттестат алуға көмектеседі. Адамның уақтылы жалпы білім алуы әрқашан мүмкін емес. Кешкі мектепке ересек оқушылармен қатар 15 жастан асқан оқушылар да қабылданады. Кешкі мектепте білім алу тегін. Түлектер ҰБТ тапсырып, басқа мектеп оқушылары сияқты орта жалпы білім туралы аттестат алады.

Кешкі мектепке түсу үшін үміткерлер келесі құжаттарды тапсыруы қажет:

1. Жеке куәліктің көшірмесі

2. 9-сыныпқа аттестат (түпнұсқа)

немесе 8-сыныптың есеп картасы (10-сынып)

3. 075 медициналық анықтама

4. Фото 3*4 (2 дана)

5.Файл қалтасы (10 файл)

6. Жұмыс орнынан анықтама

7. Мәлімдеме.

Айта кетейік, кәмелетке толмаған оқушыларды кешкі мектепке қабылдау және ауыстыру кәмелетке толмағандар ісі жөніндегі комиссияның шешіміне сәйкес жүзеге асырылады.

Кешкі мектеп түлектері де арнайы кәсіптік білім ала алатын кәсіптік оқу орнына түсе алады. Мемлекет барлығына қолжетімді және тегін мектепте білім береді. Балаларды кәмелетке толғанға дейін тәрбиелеу мен дамыту жауапкершілігі ата-аналарына, қорғаншыларына немесе асырап алушыларына жүктеледі.

Қазіргі қоғамда білім тұлғаның дамуында үлкен рөл атқарады. Білімі жоқ адам жақсы жұмысқа орналаса алмайды, өзімізді де, жақындарымызды да қамтамасыз ете алмаймыз. Өркендеген, білімді, дені сау, бәсекеге қабілетті тұлға қалыптастыру үшін ең алдымен білім алу қажет.